Wednesday, June 19, 2019

మరో మూవీ నుంచి తప్పుకున్న మారుతి

కేవలం సినిమాలు డైరక్ట్ చేయడం, నిర్మించడమే కాకుండా.. చాలా సినిమాలకు సమర్పకుడిగా కూడా వ్యవహరించాడు మారుతి. అప్పట్లో చాలా చిన్న సినిమాలు "ప్రజెంటర్ మారుతి" ఇమేజ్ తో బాగానే పాపులర్ అయ్యాయి. రిజల్ట్ సంగతి పక్కనపెడితే, విడుదలకు ముందు మారుతి పేరు యాడ్ అవ్వడం వల్ల సినిమాకు మంచి హైప్ వచ్చేది.
కానీ ఇప్పుడు అలాంటి పనులు చేయడంలేదు ఈ దర్శకుడు. కొసరు పనుల వల్ల అసలు పనిపై ప్రభావం చూపించడం మొదలయ్యేసరికి "సమర్పించడం" నుంచి పూర్తిగా తప్పుకున్నాడు. ఇప్పుడా ప్రభావం ఓ చిన్న సినిమాపై గట్టిగా పడింది. అదే ఫస్ట్ ర్యాంక్ రాజు.
నిజానికి ఈ సినిమా మారుతి చేతులమీదుగా రావాలి. అలా వచ్చి ఉంటే సినిమాకు కాస్త హైప్ వచ్చి ఉండేది. కానీ ఈ సినిమా నుంచి మారుతి తప్పుకున్నాడు. అలా మారుతి బ్రాండ్ లేకుండా, పెద్దగా ప్రచారం లేకుండా థియేటర్లలోకి వస్తోంది ఫస్ట్ ర్యాంక్ రాజు.
మారుతి సమర్పించిన, స్క్రిప్టులు అందించిన సినిమాలు ఈమధ్యకాలంలో చాలా ఫ్లాపులయ్యాయి. లండన్ బాబులు, భలే మంచి చౌకబేరమ్, బ్రాండ్ బాబు లాంటి ఎన్నో సినిమాలు మారుతి చేయి పడినప్పటికీ ఫ్లాపులయ్యాయి. దీనికితోడు అతడు స్వయంగా తీసిన శైలజారెడ్డి అల్లుడు సినిమా పెద్దగా ఆకట్టుకోలేదు.
అందుకే ఇకపై తను డైరక్ట్ చేసే సినిమాలపై మాత్రమే ఫోకస్ పెట్టాలని మారుతి నిర్ణయించుకున్నాడు. అందుకే ఫస్ట్ ర్యాంక్ రాజు సినిమా నుంచి తప్పుకున్నాడు. సెన్సార్ పూర్తిచేసుకున్న ఈ సినిమా ఈ వీకెండ్ థియేటర్లలోకి వస్తోంది

No comments:

Post a Comment