Thursday, August 10, 2017

యూఎస్ లో 'లై' ప్రీమియర్స్.. మరికొన్ని గంటల్లో ఫస్ట్ రిపోర్ట్

రేపు టాలీవుడ్ లో ఒకేసారి 3సినిమాలు విడుదలకాబోతున్నాయి. రానా నటించిన నేనే రాజు నేనే మంత్రి, బోయపాటి డైరక్ట్ చేసిన జయజానకి నాయక మూవీస్ తో పాటు నితిన్ హీరోగా తెరకెక్కిన లై సినిమా రేపే థియేటర్లలోకి వస్తోంది. ఈ మూడింటిలో లై మూవీ రిజల్ట్ ముందుగా బయటకు రాబోతోంది. మరికొన్ని గంటల్లో ఓవర్సీస్ లో ఈ సినిమా ప్రీమియర్స్ ప్రారంభం కాబోతున్నాయి. 14 రీల్స్ బ్యానర్ పై భారీ బడ్జెట్ తో తెరకెక్కింది లై సినిమా. రామ్ ఆచంట, గోపీ ఆచంట, అనీల్ సుంకర కలిసి నిర్మించారు ఈ సినిమాని. వీళ్లకు ఓవర్సీస్ మార్కెట్ పై మంచి పట్టుంది. అందుకే లై సినిమాను వాళ్లే సొంతంగా రిలీజ్ చేస్తున్నారు. 'సినిమా పారడిసో' ద్వారా యూఎస్ లో భారీ స్థాయిలో లై సినిమాను విడుదల చేస్తోంది 14 రీల్స్ బ్యానర్. నార్త్ అమెరికాలో ఇప్పటివరకు 125కి పైగా లొకేషన్లను ఫైనలైజ్ చేశారు. రిలీజ్ అయ్యే టైమ్ కు ఈ సంఖ్య మరో 10 పెరిగే అవకాశముంది. నితిన్ కెరీర్ లోనే భారీ ఓవర్సీస్ విడుదల ఇది. ఈ సినిమా ప్రీమియర్స్ ను అక్కడ పెద్ద ఎత్తున ప్లాన్ చేసింది 14 రీల్స్ సంస్థ. ఏకంగా 107 లొకేషన్లలో ప్రీమియర్స్ ఉండబోతున్నాయి. ఈ లెక్కన చూసుకుంటే మరికొన్ని గంటల్లో యూఎస్ లోని అన్ని ప్రధాన నగరాల్లో 'లై' సినిమా ప్రీమియర్స్ మొదలవుతాయన్నమాట. ఆ వెంటనే సినిమా టాక్ బయటకొస్తుంది.

No comments:

Post a Comment