రవితేజకి షాక్ ఇచ్చిన సూర్య

రాజా ది గ్రేట్ సినిమాతో రికవర్ అయిన మాస్ మహారాజ రవితేజ ఇక స్పీడ్ స్పీడ్ గా సినిమాలను ఒకే చేయాలని డిసైడ్ అయ్యాడు. అయితే రెగ్యులర్ కథలు కాకుండా కథ కొత్తగా ఉంటేనే ఒకే చేస్తున్నాడు. ప్రస్తుతం టచ్ చేసి చూడు సినిమా షూటింగ్ లో రవితేజ బిజీగా ఉన్న సంగతి తెలిసిందే. అయితే గతంలో రవితేజ ఒక రీమేక్ కథను సెట్స్ పైకి తీసుకురావాలని చాలా ప్రయత్నాలు చేశాడు.

బాలీవుడ్ లో సూపర్ హిట్ అయిన స్పెషల్ 26 అనే సినిమా తెలుగులో రవితేజ చేద్దామని అనుకున్నాడు. కొంతమంది దర్శకులతో చర్చలు కూడా జరిపాడు. అయితే సెట్ అవుతోంది అనుకున్న సమయంలో సూర్య అదే కథతో తెలుగు తమిళ్ లో వస్తున్నట్లు తెలిసింది. 2013లో అక్షయ్ కుమార్ నటించిన స్పెషల్ 26 ఆదారంగా చేసుకొనే ''గ్యాంగ్'' సినిమా తెరకెక్కిందట. మొన్నటివరకు ఈ విషయాన్ని దాచి ఉంచిన సూర్య అండ్ టీమ్.. నిన్న దర్శకుడు విఘ్నేష్ శివన్ ద్వారా నిజాన్ని చెప్పేసింది. మనోడు ఒక ఇంటర్యూలో మాట్లాడుతూ.. ఆ సినిమాను బేస్ చేసుకునే ఈ కథ అల్లినట్లు.. అలాగే రైట్స్ కూడా కొనుక్కున్నట్లు చెప్పాడు.

ఈ విషయం ఆలస్యంగా తెలియడంతో రవితేజ షాక్ అయ్యాడట.  ఎలాగైతే ఏంటి తెలిసింది కదా అని సెట్స్ పైకి తీసుకెళ్లకముందే తెలిసిందని ఊపిరి పీల్చుకున్నాడట. అయితే సూర్యా గ్యాంగ్ సినిమా తెలుగు తమిళ్ లో ఒకేసారి జనవరి 13న రిలీజ్ కాబోతోన్న సంగతి తెలిసిందే.