నాని హిట్ మూవీ తమిళ్ రీమేక్ లో అనుపమ

నాచురల్ స్టార్ నాని,నివేదా థామస్ హీరో హీరోయిన్లుగా, మరో హీరో ఆది పినిశెట్టి ప్రధాన పాత్రలో తెరకెక్కిన మూవీ ” నిన్ను కోరి”. రెండేళ్ల క్రితం విడుదలై సూపర్ హిట్ అందుకున్న ఈ చిత్రానికి శివ నిర్వాణ దర్శకత్వం వహించారు. ఐతే ఈ మూవీ ఇప్పుడు తమిళంలో రీమేక్ కానుందని సమాచారం.

అనుపమ పరమేశ్వరన్ హీరోయిన్ గా నటిస్తుండగా హీరో అధర్వ నాని పాత్రలో కనిపించనున్నాడట. ఈ విషయాన్ని ఈ చిత్రానికి దర్శకత్వం వహిస్తున్న కన్నన్ స్వయంగా ఓ పత్రికతో పంచుకున్నారు. అలాగే ఈ చిత్రంలో అనుపమ పాత్రని ప్రొఫెషనల్ క్లాసికల్ డాన్సర్ గా మలచనున్నాడట డైరెక్టర్. “నిన్ను కోరి” చిత్రంలో వలే కీలక సన్నివేశాలు విదేశాలలో చిత్రీకరించాలని భావిస్తున్నారట. ఐతే ఆది పాత్ర కోసం ఎవరిని తీసుకోవాలనేది ఇంకా నిర్ణయయించలేదు అని అన్నారు.