కుమారిని పక్కనెట్టి కాంబో అంటే ఎట్టా?

సినిమాలు చేయడంలో రాజ్ తరుణ్ స్పీడ్ బాగానే ఉంటుంది. ఓ ఏడాదిలో మూడు నాలుగు సినిమాలను కూడా రెడీ చేసేయగల ట్యాలెంట్.. జోష్ ఉన్న హీరో ఇతడు. ఇప్పుడు ఒకే సారి రెండు సినిమాలను విడుదలకు రెడీ చేసేశాడంటే.. ఈ కుర్రాడి స్పీడ్ అర్ధమవుతుంది. మరోవైపు రాజ్ తరుణ్ తన నెక్ట్స్ మూవీపై కూడా ఓ క్లారిటీకి వచ్చేశాడట.

ఇప్పటివరకూ రాజ్ తరుణ్ కెరీర్ బెస్ట్ అయిన కుమారి 21ఎఫ్ మూవీ కాంబోని రిపీట్ చేయనున్నారని తెలుస్తోంది. కాంబో అంటే.. మొత్తం టీం అంతా అనుకోకండి. కుమారి చిత్రాన్ని తీసిన పల్నాటి సూర్యప్రతాప్ తో .. తన మరుసటి చిత్రం ఖాయం చేసుకున్నాడట రాజ్ తరుణ్. రవితేజతో సినిమా ప్రొడ్యూస్ చేస్తున్న నిర్మాత రామ్ తాళ్లూరి.. ఈ కుమారి కాంబినేషన్ లో తెరకెక్కే చిత్రాన్ని కూడా నిర్మిస్తారట. అంతవరకూ ఓకే కానీ.. అసలు కుమారి21ఎఫ్ అంటే.. ఆ చిత్రానికి తొలి ఆకర్షణ సుకుమార్ రైటింగ్స్ అనే ట్యాగ్ లైన్. అది వచ్చే ఛాన్స్ లేదు కాబట్టి.. నెక్ట్స్ సంగతి చెప్పుకుంటే.. కుమారి పాత్రలో మెప్పించిన హెబ్బా పటేల్.

హెబ్బా పటేల్ నే మళ్లీ తీసుకుంటారా లేదా అన్న విషయంపై క్లారిటీ ఇవ్వలేదు కానీ.. అప్పుడే కుమారి కాంబినేషన్ అంటే ఎట్టాగబ్బా అనుకుంటున్నారు సినీ జనాలు. అఫ్ కోర్స్.. రాజ్ తరుణ్ తో సినిమాలకు హెబ్బా ఎలాగూ ఉత్సాహం చూపిస్తుంది. పైగా ఈ మధ్య చిక్కేందుకు బాగానే ప్రయత్నాలు చేస్తోంది. సో కొత్తగా మారిన కుమారిని పట్టుకొచ్చి హీరోయిన్ అనేస్తే మాత్రం.. మళ్లీ కుమారి 21ఎఫ్ రేంజ్ క్రేజ్ వచ్చేయవచ్చు.