అఖిల్ అమెరికా నుంచి తిరిగి రాగానే ప్రీ-రిలీజ్ ఫంక్షన్ డేట్ ఎనౌన్స్
చేస్తామని ప్రకటించాడు నాగ్. చెప్పినట్టుగానే ఈనెల 20న హైదరాబాద్ లో
గ్రాండ్ ఈవెంట్ ఉండబోతోందని తెలిపాడు. కాకపోతే అది ప్రీ-రిలీజ్ ఫంక్షన్
కాదు. అంతకు మించి.
అవును.. హలో కోసం సరికొత్త ప్రచార కార్యక్రమానికి తెరతీశాడు నాగ్.
ప్రీ-రిలీజ్ ఫంక్షన్ స్థానంలో సరికొత్త డాన్స్ ప్రొగ్రామ్ పెట్టాడు. దీనికి
'హలో-సింగ్ & డాన్స్' అనే పేరు పెట్టాడు. అంటే కేవలం స్టేజ్ ఎక్కి
ప్రసంగాలు మాత్రమే చేయకుండా సరదాగా ఆడి, పాడే షో అన్నమాట.
ఇదే పనిని కొన్ని రోజుల కిందట అమెరికాలో చేశాడు అఖిల్. న్యూజెర్సీ,
డాలస్, శాన్ జోస్ లో లైవ్ షో ఇచ్చాడు. తనే స్వయంగా ఆడిపాడాడు. యాజ్ ఇటీజ్
గా ఇదే కాన్సెప్ట్ ను హైదరాబాద్ కు తీసుకొచ్చారు. కొంతమంది అభిమానులతో
అఖిల్ ఆడిపాడబోతున్నాడు.
ఎన్-కన్వెన్షన్ లో రేపు ఈ ఈవెంట్ ను గ్రాండ్ గా ప్లాన్ చేశారు. ముఖ్య
అతిథిగా చిరంజీవి హాజరుకాబోతున్నాడు. హలో సినిమా ప్రమోషన్ కు సంబంధించి,
రెగ్యులర్ గా ఇచ్చే ఇంటర్వ్యూలు లాంటివి పక్కనపెట్టి ఇలా కొత్తగా ప్లాన్
చేశాడు నాగ్.
No comments:
Post a Comment